НАЦИОНАЛЬНАЯ АКАДЕМИЯ                 НАУК АЗЕРБАЙДЖАНА
ОТДЕЛЕНИЕ БИОЛОГИЧЕСКИХ И МЕДИЦИНСКИХ НАУК
Фото
Botanika İnstitutunda elmi seminar keçirilib
Янв 26, 2022 | 11:00 / Конференции, собрания
Прочитано 320 раз (-а)

AMEA-nın Botanika İnstitutunda Alqologiya və lixenobriologiya laboratoriyasının elmi işçisi Aytən Xanbutayeva və Mikologiya şöbəsinin kiçik elmi işçisi Aytac Əliməmmədovanın təqdimatında elmi seminar keçirilib.

Tədbirdə gənc doktorantların xarici ezamiyyətlərinin nəticələrinə dair məruzələri dinlənilib.

İnstitutun elmi işçisi A.Xanbutayeva “Müxtəlif metodikalarla yosunların tədqiqi” mövzusunda çıxış edib. O, Rusiya Elmi Tədqiqat İnstitutunun Azov - Qara dəniz filialının Hidrobiologiya laboratoriyasında apardığı tədqiqatlar zamanı perifiton çərçivə vasitəsilə yosunların biokütləsinin hesablanması, optik mikroskopiya kimi müasir metodlar və onlardan istifadənin üstünlüyü haqqında geniş məlumat verib.

Daha sonra sözügedən müəssisənin kişik elmi işçisi A.Əliməmmədova isə “Bəzi tibbi əhəmiyyətli makromisetlərin bioloji xüsusiyyətlərinin öyrənilməsi” mövzusunda çıxış edib. A.Əliməmmədova Ukrayna Milli Elmlər Akademiyası M.G.Xolodnı adına Botanika İnstitutunun Mikologiya şöbəsində dissertasiya işi üzrə tibbi və qida əhəmiyyətli göbələklərin yeni metodikalardan istifadə etməklə bioloji xüsusiyyətlərini (ekzopolisaxaridlərinin, endopolisaxaridlərinin, ümumi fenol birləşmələrinin miqdarını, antibakterial aktivliyi və miselial inkişaf sürətlərini) araşdırıb.

Çıxışlardan sonra mövzular ətrafında müzakirələr aparılıb, iştirakçıları maraqlandıran suallar cavablandırılıb.

www.science.gov.az

Copyright © 2015 Институт Информационных Технологий НАНА