AMEA-nın Dendrologiya İnstitutunda Gənc Alim və Mütəxəssislər Şurasının növbəti iclası keçirilib.

İclası giriş sözü ilə açan Gənc Alim və Mütəxəssislər Şurasının sədri Aydan Rəsulova iştirakçılara şuranın yeni tərkibi barədə məlumat verib.

Tədbirdə şuranın tərkibində dəyişiklik edilib, 35 yaşa kimi olan gənc tədqiqatçılar şura tərkibinə daxil edilib. Müəssisənin 2020-2021-ci il üzrə doktorant və dissertantları şuraya təqdim edilib. Üzvlər yerli, beynəlxalq jurnal və konfranslarla əlaqədar olaraq məlumatlandırılıb. Bundan başqa, yeni üzvlər AMEA Gənc Alimlər və Mütəxəssislər Şurasının “Gənc tədqiqatçı” jurnalı ilə tanış olublar.

Qeyd edək ki, Dendrologiya İnstitutunda 22 nəfər gənc tədqiqatçı fəaliyyət göstərir. Onlardan 1 nəfəri fəlsəfə doktoru, 3 nəfəri doktorant, 6 nəfəri isə dissertantdır. 

www.science.gov.az