AZERBAIJAN NATIONAL                 ACADEMY OF SCIENCES
DIVISION OF BIOLOGICAL AND MEDICAL SCIENCES
Photo
Torpaqşünaslıq və Aqrokimya İnstitutu Belarus Dövlət Kənd Təsərrüfatı Akademiyası ilə əməkdaşlıq edəcək
May 19, 2022 | 12:30 / Important events
Read 186 times

Belarus Dövlət Kənd Təsərrüfatı Akademiyasının rektoru Vitaliy Velikanov AMEA-nın Torpaqşünaslıq və Aqrokimya İnstitutunun qonağı olub.

İnstitutun baş direktoru, AMEA-nın müxbir üzvü Əlövsət Quliyev qonağa sözügedən müəssisədə görülən işlər barədə məlumat verib, akademiya ilə elmi əlaqələrin gücləndirilməsi, kompleks tədqiqatların aparılması, beynəlxalq elmi proqramlar və qrant layihələrdə iştirakın vacibliyini qeyd edib. Həmçinin tərəflər iki müəssisə arasında təcrübə mübadiləsi, elmi kadrların hazırlanması, birgə seminarların, konfransların,  torpaqşünaslıq və aqrokimya sahəsində elmi biliklərin və nailiyyətlərin populyarlaşdırılması və təbliği üzrə tədbirlər, görüşlərin təşkilini nəzərdə tutan elmi əməkdaşlıq müqaviləsi imzalayıblar.

Görüşdə Torpaqların meliorasiyası laboratoriyasının müdiri, a.e.d Mustafa Mustafayev və Həmkarlar Təşkilatının sədri, a.e.d Məmməd Məmmədov da iştirak edib. Daha sonra rektor AMEA-nın Torpaqşünaslıq və Aqrokimya İnstitutunun bəzi laboratoriyaları, Torpaq muzeyi və kitabxanası ilə tanış olub.

Copyright © 2015 Institute of Information Technology of ANAS