AZERBAIJAN NATIONAL                 ACADEMY OF SCIENCES
DIVISION OF BIOLOGICAL AND MEDICAL SCIENCES
Photo
"Hesablama və kompüter elmləri metodlarının bioloji elmlərə bəzi tətbiqləri” mövzusunda seminar keçirilib
Apr 01, 2021 | 01:15 / Conferences, assemblies
Read 1009 times

AMEA–nın Molekulyar Biologiya və Biotexnologiyalar İnstitutunda Elm gününə həsr olunan silsilə tədbirlər çərçivəsində müəssisənin Hesablama struktur biologiyası beynəlxalq laboratoriyasının müdiri, Kembric Universitetinin professoru, Kembric şəhərində yerləşən Tibbi Tədqiqatlar Şurasının (MRC) Molekulyar Biologiya İnstitutunun Hesablama kristalloqrafiyası qrupunun rəhbəri f.-r.ü.f.d., prof. Qərib Mürşüdovun “Hesablama və kompüter elmləri metodlarının bioloji elmlərə bəzi tətbiqləri” mövzusunda onlayn formatda elmi seminarı keçirilib.

Seminarda institut əməkdaşları ilə yanaşı, AMEA-nın Biologiya və Tibb Elmləri Bölməsinin institutlarının və həmçinin İnformasiya Texnologiyaları İnstitutunun alimləri də iştirak ediblər. Məruzəçi müasir dövrdə hesablama struktur biologiyasının rolu, məqsədi, tələb olunan resurslar və mövcud məlumat bazaları haqqında geniş məlumat verib. Q.Mürşüdov Azərbaycanda rəhbərlik etdiyi Hesablama struktur biologiyası qrupunun fəaliyyəti, kadr hazırlığı və gələcək planları haqqında seminar iştirakçılarını məlumatlandırıb. O qeyd edib ki, artıq Azərbaycanda hesablama struktur biologiyası üzrə tədqiqatların bünövrəsi qoyulub. Hazırda MBBİ-də belə bir qrup mövcuddu və qrupun fəaliyyəti getdikcə genişlənir. İndi vəzifə bu elmin Azərbaycanda inkişafına nail olmaqdır. Alim dünya elm şəbəkəsində iştirakın mühümlüyünü vurğulayıb.

Sonda məruzəçi verilən sualları cavablandırıb. Seminar iştirakçıları məruzə ətrafında çıxış edərək Qərib Mürşüdovun bu istiqamətdə apardığı tədqiqatları yüksək qiymətləndiriblər.

www.science.gov.az

Copyright © 2015 Institute of Information Technology of ANAS