AZƏRBAYCAN MİLLİ                  ELMLƏR AKADEMİYASI
BİOLOGİYA VƏ TİBB ELMLƏRİ BÖLMƏSİ
Sitrus bitkilərinin gübrələnməsinə dair monoqrafiya nəşr edilib
Apr 29, 2021 | 06:00 / Yeni nəşrlər
Oxunub 194 dəfə

AMEA-nın Lənkəran Regional Elmi Mərkəzinin baş elmi işçisi, aqrar elmlər üzrə fəlsəfə doktoru Xalıqverdi Babayevin “Sitrus bitkilərinin gübrələnməsinin elmi-praktik əsasları” monoqrafiyası “Elm” nəşriyyatında çap olunub.

3 bölmə və 8 fəsildən ibarət monoqrafiyada müəllifin uzun müddət ərzində Lənkəran-Astara subtropik bölgəsində sitrus bitkilərinin gübrələnməsinin nəzəri və praktik məsələlərinin həllinə həsr edilmiş elmi-tədqiqat işlərinin tətbiqi materialları təqdim edilib. Kitabda, həmçinin bölgənin torpaq-iqlim şəraiti, gübrələrin təsnifatı və növləri, dozalarının optimallaşdırması metodları, gübrələmə sistemi və s. həlli vacib məsələlər nəzərdən keçirilib.

Qeyd edək ki, vəsaitdən ali təhsil müəssisələrinin “Aqronomluq”, “Torpaqşünaslıq və aqrokimya” və digər ixtisaslarda təhsil alan tələbə, magistrant və doktorantları, həmçinin fermerlər istifadə edə bilərlər.

www.science.gov.az

Copyright © AMEA İnformasiya Texnologiyaları İnstitutu, 2015