AZƏRBAYCAN MİLLİ                  ELMLƏR AKADEMİYASI
BİOLOGİYA VƏ TİBB ELMLƏRİ BÖLMƏSİ
Foto
RUSIYALI BOTANİKLƏR AMEA BOTANİKA İNSTİTUTUNDA ELMİ EZAMİYYƏTDƏ OLUB
İyn 06, 2017 | 11:50 / Konfranslar, iclaslar
Oxunub 935 dəfə

Rusiya Elmlər Akademiyası Daxili Sular İnstitutunun “Su bitkilərinin sistematikası və coğrafiyası” laboratoriyasının müdiri, b.ü.e.d. Kulikovskiy Maksim Serqeyeviç və böyük elmi işçisi, b.ü.f.d. Malçev Yevgeniy İvanoviç AMEA Botanika İnstitutunda elmi ezamiyyətdə olub. İnstitutunun direktoru, akademik Validə Əlizadə, Alqologiya və lixenobriologiya şöbəsinin müdiri, b.ü.f.d. Şəkər Muxtarovanın iştirakı ilə keçən görüşdə elmi əməkdaşlıq əlaqələrinin qurulması və Alqologiya sahəsi üzrə müştərək tədqiqatların aparılması perspektivləri müzakirə olunub. Qonaqlar Botanika İnstitutunun alqotekasında saxlanılan Azərbaycanın kontinental və dəniz yosun nümunələri ilə tanış olub, qarşılıqlı təcrübə mübadiləsi aparıblar.

Səfər müddətində İnstitutda “Azərbaycanın və Rusiyanın bitki müxtəlifliyinin tədqiqinə müasir yanaşmalar” adlı seminar keçirilib. Seminarda M.S.Kulikovskiy və E.S.Malçev “Rusiya ərazisinin diatom yosunları” mövzusunda məruzə edibər. Rusiyalı alimlərin bu mövzu üzrə apardıqları tədqiqat işlərindən bəhs edən video-rolik numayiş olunub. Azərbaycanlı və Rusiyalı mütəxəssislər mövzu ətrafında geniş müzakirə aparıblar.

 

©  http://bteb.science.gov.az/

Copyright © AMEA İnformasiya Texnologiyaları İnstitutu, 2015